以下分享的都是朋友及前輩們的指點
希望可以幫到大家避開籌備婚禮過程當中有可能遇到的種種”地雷”
1. 如何提親?
朋友 K 教落，唔好要女朋友單獨同父母講自己要結婚
為咗令未來外父外母感受到尊重，以及令佢哋明白你係幾咁錫佢個女
你需要主動約未來外父外母飲茶，好好交代一下
重點: 除咗交待結婚的打算外，講埋以下的對白，絕對會令你取得外父外母的歡心，以及未來30年的寧靜
a) 「我會好好地對女朋友，陪佢笑，陪佢喊，好好照顧佢」
b) 「我會當您哋係自己的父母咁照顧」
c)「 女朋友的弟妹，我會當成自己的弟妹，同樣地愛錫佢地」
2. 如何傾禮金
我問過好多朋友，再加上自己的經驗，最好的講禮金方式莫過於單獨同外父商量
如果提親的一步處理得好，相信外父對你的印象唔會差得去邊
先單獨同外父傾傾， 講出自己的難處，好多時外父自己都係過來人， 佢會明白的
再者，結婚並唔係賣女，每一位爸爸最希望見到的是女兒嫁得開心， 所以佢唔會為難你的
如果可以在外父那裡傾好禮金當然最好，就算外母要求在雙方家長見面時才傾禮金都不用擔心
因為事前已經同外父有一定共識，到時候佢都會盡量幫口，達至和氣生財
3. 海外婚禮要小心
話說一對新人打算不擺酒，在海外行禮註冊
奶奶路過我們會展BOOTH，問big day 拍攝的套餐
其間不停地向同行的親友投訴未來新抱，大數她的不是
說新抱不尊重老人家，不顧老邁的嬤嬤未能搭飛機到海外觀禮
又說自己的兒子未識新抱之前好孝順之類
旁觀者的我，頓時聯想到一些擔心
新抱還未入門已經鬧出婆媳糾紛，結婚後還會有安寧的日子?
其實只要站在父母的立場想一想，你便會發現父母都是受著傳統思想的影響，總希望婚禮熱熱鬧鬧地進行
恰恰海外婚禮是平靜而個人的，分歧便是由此而起
只要在決定海外婚禮前，多同父母溝通，特別是請新郎私下同奶奶交待一下
同時亦承諾會在香港和最密切的親友擺4-5圍作補償
問題自然迎刃而解，同時日後的婆媳關係都不會受到影響
如果各位看倌有任何好建議，歡迎EMAIL 或 FACEBOOK INBOX 俾我哋，同大家分享一下。
撰文: Toby @ 兩性關係
